Especial LETRAS GALEGAS 2018

16 de maio de 2018. 

Gran celebración das 

LETRAS GALEGAS 2018!!

Comezamos a xornada recibindo ao persoal do centro con moita alegría. Marga, Sergio e Pablo fixéronnos vibrar coa muiñeira de Chantada.

Preme aquí para ver o recibimento da xornada

Logo do recreo fomos ao pavillón para entregar os premios do Certame Literario 2018. Educación Infantil, primeiro e segundo de Educación Primaria participaban cun debuxo. Mentras que dende terceiro ata sexto participaban nas categorías de narrativa, poesía e tira cómica. 

Comezamos o acto coa muiñeira de Chantada, nesta ocasión acompañan a Sergio (guitarra) e Pablo (gaita), Germán (bombo), Xerardo (tambor) e Lidia (pandeireta).

O acto foi presentado por José Daniel, Inés, Zaida e Laura, de sexto, que foron nomeando ás gañadoras e aos gañadores do Certame Literario por niveis. A cada un entregóuselles unha camiseta cun deseño alusivo ao traballo desenvolvido dentro do proxecto "Percorremos Culleredo" do EDLG, coa colaboración dos equipos de Biblioteca e de Actividades Complementarias.

A entrega de premios foi intercalada con música tradicional da nosa terra. Así, Daniel Bello interpretou magníficamente á gaita a muiñeira Carballesa.

Preme aquí para ver a súa actuación.

Máis tarde unha chea de pandereteiros e pandereteiras animáronse a cantar e tocar unha versión de "O Galo" adaptada ao noso cole. Aquí tedes a letra por se vos apetece cantala:

O galo cando canta é día,

é día, é día.

O galo cando canta é día,

imos de parranda,

imos todo o día.

E como somos da ribeira,

ribeira, ribeira,

e como somos da ribeira

imos de parranda a semana enteira.

E como somos tan galegos,

galegos, galegos,

e como somos tan galegos

imos de parranda polo mundo enteiro.

E como somos do Sofía,

Sofía, Sofía,

e como somos do Sofía

imos de parranda como moita alegría.

Preme aquí para escoitalos

Logo, baixo a dirección de Marga, a profe de Educación Musical, os rapaces e rapazas de 4º, 5º e 6º de Educación Primaria, tocaron con frautas e percusión sendas pezas da nosa tradición popular. Espectaculares!!

Preme aquí para escoitar a versión de "Amoriños collín" de 4º

Amoriños collín pola Lingua ao cantar.

Amoriños collín pola Lingua ao bailar.

Ao cantar, ao bailar e tamén ao xogar

Amoriños collín, seica poden durar.

Preme aquí se queres escoitar a interpretación de 5º

O mar da língua

O que teño que facer

para a língua conservar

é falar ata fartar

en GALEGO moito máis.

Preme aquí para escoitar "Vivan as Letras Galegas" de 6º

Vivan as Letras Galegas,

Viva toda a nosa terra.

Rosalía, Castelao,

María Victoria Moreno

trovadores medievais e Manuel María.

Vivan as Letras Galegas

Viva toda a nosa terra.

Viva Culleredo, Oleiros,

Viva Cambre e A Coruña,

Viva Malpica e Fisterra

Finalmente, como calquera acto desta importancia que se precie, rematamos a xornada entonando todos xuntos o noso Himno.

Dende o Equipo de Dinamización da Lingua Galega 

queremos agradecer a todos os participantes deste acto a súa colaboración. 

Moitísimas grazas!!!