Xa temos con nós a postal gañadora para representar o calendario do noso cole para o ano 2022: NINA HARBATKOU de 6º B. NORABOA!!
Moitas grazas a todos e todas pola vosa participación!
domingo, 12 de decembro de 2021
martes, 30 de novembro de 2021
luns, 1 de novembro de 2021
SAMAÍN 2021
Chegou o SAMAÍN e con el o medo e o respecto ás crenzas máis arraigadas da nosa terra.
Nos niveis máis altos de primaria investigaron sobre os personaxes típicos desta celebración: Sacauntos, Lavandeiras, Meigas, Urco, Lobishome, Gatipedro, Santa Compaña.
Ademais deste magnífico traballo, ao alumnado fixémoslle un encargo moi especial: deberían coordinarse as aulas de cada nivel para decorar unha cabaza. Por certo, cabazas cultivadas no noso invernadoiro!
E así foi... e o fixeron requetebén!!
En sexto decidiron decorar con moitas feridas e sangue.
En quinto deccoraron cun toque gracioso pero ao mesmo tempo tenebroso.
En infantil, as mestras fixeron unha demostración de como se baleira unha cabaza e se recortan as partes da cara para poñerlle unha vela para alumenar o seu interior.
Un toque mexicano para a cabaza de cuarto de primaria.
A de segundo metía medo con tanto bicho e cara de terror.
A de primeiro era tenebrosamente adorable.
Así posaron algúns cursos coas obras de arte.
Moitas grazas a todos e todas pola vosa participación.
Feliz e tétrico Samaín!
domingo, 13 de xuño de 2021
Revista PUNTO E COMA 2020-2021
🙋 EXTRA! EXTRA! EXTRA!
Xa temos con nós a publicación da revista escolar anual
PUNTO E COMA deste curso 2020-2021!
Aquí podedes ver un resumo do moito que traballamos no cole durante estes meses, sen esquecer as distintas conmemoracións e os gañadores e gañadoras do Certame Literario.
Preme na imaxe para ver a revista.
Lembra poñer en modo pantalla completa para unha mellor visualización dos artigos.
Este equipo agradece a todos os membros da Comunidade Educativa -familias, alumnado, profesorado, conserxes, coidadora…- a súa colaboración, tanto na elaboración desta revista como en outras actividades propostas por este equipo ao longo do curso.
🌞 FELIZ VERÁN E COIDÁDEVOS MOITO! 😷
domingo, 6 de xuño de 2021
Aniversario PUNTO E COMA
ESTAMOS DE ANIVESARIO!
No ano 1981 comezaba a andadura do noso centro, nacía como Colexio Nacional de Vilaboa. Co paso do tempo recibiu o nome de CEIP Sofía Casanova. Cumprimos polo tanto os primeiros 40 anos da nosa andadura.
Por aquí levan pasando varias xeracións de rapaces e rapazas, mestres e mestras, persoal non docente e familias; a todos a nosa lembranza e agradecemento.
O actual Sofía Casanova é o resultado do traballo conxunto de todos eles. Testemuña disto é a nosa revista escolar Punto e Coma que vía a luz no curso 1981-1982.
Nacía coma unha publicación literaria da antiga Segunda Etapa de Educación Primaria. Faltáballe a cor, o seu tamaño era o dunha cuartilla, escrita cunha máquina de escribir da época (posiblemente unha Olivetti) e impresa cunha vella multicopista con moito esforzo. Un erro era moi difícil de corrixir por non dicir imposible.
Ao longo destes corenta anos medrou de tamaño e afloráronlle as cores. Hoxe acolle os traballos de todo o alumando do noso centro tendo dúas versións a impresa e a dixital.
Preme na ilustración para gozar coa súa visualización
Os nosos parabéns!!
venres, 28 de maio de 2021
GAÑADORES E GAÑADORAS DO CERTAME LITERARIO 2021
É un pracer para nós, presentarvos aos gañadores e gañadoras do Certame Literario 2021 nas distintas categorías de debuxo, narrativa, tira cómica e poesía.
NORABOA A TOD@S!! 😍
xoves, 6 de maio de 2021
PERSONALIDADES GALEGAS DO SÉCULO XX
Dentro do Proxecto para o Fomento da Lingua Galega, no CEIP Sofía Casanova, estamos a desenvolver "PERSONALIDADES GALEGAS DO SÉCULO XX".
O alumnado de cada aula está achegando ao equipo verdadeiras marabillas dos galegos e galegas que destacaron pola súa aportación á cultura ao longo do século XX e deixaron a súa pegada co paso dos anos.
Na aula de primeiro A de educación primaria, o alumnado recopilou información sobre a biografía e obra de MARUJA MALLO e ata elaboraron un xogo co MBot.
Os nenos e nenas de 1º B coñeceron un pouquiño máis da vida da nosa SOFÍA CASANOVA.
En segundo de educación primaria, os nenos e nenas puxeron voz ao seu traballo final sobre MARÍA CASARES.
O alumnado de 3º B investigou sobre a vida e obra de ISAAC DÍAZ PARDO e reflectiu no seguinte vídeo o seu traballo.
Os nenos e nenas de 3º A indagaron sobre o escritor CARLOS CASARES e así o reflectiron no seguinte vídeo.
En 4º A, o alumnado traballou sobre a figura de ROSALÍA MERA GOYENECHEA, recollendo na seguinte presentación os aspectos máis destacables da súa vida.
Os nenos e nenas de 4º B investigaron sobre o modisto ADOLFO DOMÍNGUEZ e preséntannos a seguinte montaxe.
En 4º C, optaron por indagar sobre a cantante ANA KIRO, plasmando nun mural as principais características da súa vida.
O alumnado de 5º A investigou e creou esta montaxe para darnos a coñecer a vida e obra da escritora FINA CASALDERREY.
Os nenos e nenas de 5º B decidiron indagar sobre a vida da alpinista CHUS LAGO e descubriron cousas ben curiosas.
En 6º B, os nenos e nenas cóntannos os aspectos máis importantes da vida e obra do artista LUIS SEOANE.
O alumnado de 5 anos B dánnos pistas a modo de adiviña para descubrir os aspectos máis importantes do escritor ÁLVARO CUNQUEIRO.
Na aula de 4 anos A adentráronse na vida da BELLA OTERO e así nola contan nesta montaxe.
Os nenos e nenas de 4 anos B puxéronlle voz a EMILIA PARDO BAZÁN para contarnos a súa interesante vida e reconstruíron o Pazo de Meirás na seguinte montaxe.
O alumnado de 3 anos indagou sobre a científica ÁNGELES ALVARIÑO e así nola contan neste resumo.
Subscribirse a:
Publicacións (Atom)