AS NOSAS LETRAS

Dende o EDLG do CEIP Sofía Casanova, un ano máis, puxemos en marcha o Certame Literario. 

Dende a etapa de Infantil ata segundo nivel de Educación Primaria o alumnado participa cun debuxo alusivo á cultura galega. A partires de terceiro ata sexto de Educación Primaria, poden participar en tres categorías: narrativa, poesía ou tira cómica.

Este curso 2018-2019, o agasallo recibido polos gañadores e gañadoras consiste nunha camiseta deseñada polo propio equipo que fai referencia ao proxecto que estamos a desenvolver: "UN COLE DE PELÍCULA". Tomouse como referencia unha ilustración realizada por Castelao para unha publicación editada pola nosa Sofía Casanova, "Princesa del Amor Hermoso". O seguinte paso foi encher a silueta con carátulas de películas de orixe galega.

E que mellor xeito hai de celebrar o Día da LETRAS GALEGAS? Pois entregándolle aos gañadores e gañadoras do Certame Literario o seu agasallo!

O xoves 16 de maio de 2019 comezamos a xornada recibindo á comunidade educativa cunha peza musical tocada á gaita por Daniel Bello, alumno de terceiro de primaria.

No recreo Dani tamén tocou varias pezas. 

Máis tarde, xuntámonos todos para celebrar ese momento tan agardado: A entrega de premios!

Se premedes aquí podedes ver o vídeo.

María e Aitor, de 3 anos; Lucía e Natalia, de 4 anos; Bruno e Mara, de 5 anos.

Sofía e Icía, de primeiro; Xare (ausente) Mateo e Carlota, de segundo.

De terceiro de primaria, Daniel, Héctor, Lorena e Nicolás. 

 De cuarto, Amanda, Carolina, Laura, Xoán e Hugo.

De quinto, Luna, Inés, Stella, Irene, Carola, María, Lucas e Erica (representando "Os nosos poemas" de 5º C).

Daniela e Noa, de sexto.

NORABOA AOS PREMIADOS 

E MOITAS GRAZAS A TODOS E TODAS POR PARTICIPAR!

Lembrade seguir pensando en galego para non esquecer a nosa cultura.

Ata o ano que vén!

Visita dun "MESTRE MATEO"

O alumnado de sexto de educación primaria tivo a oportunidade de recibir a visita de David Saborido.

Compartiu a súa experiencia como galardonado na XIV edición dos Premios Mestre Mateo á Mellor Curtametraxe de Animación.

Ademais, foron quenes de levar a cabo unha clase práctica sobre o Stop Motion.

Moitas grazas por esta oportunidade tan fantástica, David!!

UN ENTROIDO DE PELÍCULA

Xa temos con nós o último número da Revista Dixital de Entroido!

Este ano 2019 dedicado ao cine e no que as familias xogaron un papel principal, cada grupo reflicte mediante unha composición de imaxes ou palabras o máis destacado deste ENTROIDO DE PELÍCULA.

Moitas grazas a todas as persoas que participaron para facer posible tan fermosa festa.

LEMOS A ROSALÍA

O 24 de febreiro conmemórase o nacemento de Rosalía de Castro.

Dende o colexio queremos achegar a obra desta autora á comunidade educativa colgando estrofas dos seus poemas polas varandas.

Ademais, dende as aulas saíron traballos tan bonitos como os de segundo de educación primaria.

Preme aquí para ir ao enlace do seu blog.

FELIZ DÍA DE ROSALÍA!

ANTÓN FRAGUAS FRAGUAS - LETRAS GALEGAS 2019

Coa cabeza posta nas nosas letras, podedes atopar na rede moita información sobre autor homenaxeado neste ano 2019, o antropólogo, historiador e xeógrafo Antón Fraguas Fraguas. 

Premede nas palabras destacadas para acceder ao seu contido.

- Dende a propia Consellería.

- Dende Museo do Pobo Galego.

- Dende a propia Real Academia Galega.

BOAS FESTAS E FELIZ 2019

O 21 de decembro, para dar a benvida ás festas do Nadal, os nenos e nenas de infantil cantaron panxoliñas ao resto do alumnado do cole.

Comezaron os de 5 anos coa popular "Buscando unha estrela".

Preme aquí para ver o vídeo.

 Logo, 4 anos con "Tres Reis en bicicleta", de Mamá Cabra. 

Finalmente, 3 anos cantaron unha versión en galego adaptada ao cole de "La marimorena".

Ademais, queremos agradecer a visita, esa mesma semana, dos avós e avoas da residencia Orpea por compartir as súas panxoliñas e momentos moi emotivos.

Boas festas e feliz 2019!

TEMOS MOITO CONTO! de novembro

Estamos a tope coa actividade TEMOS MOITO CONTO! semella que novembro foi un mes apetecible para contar contos.

Candela e Noa, de 5º, contaron A tartaruga que quería durmir aos nenos e nenas de 5 anos.

 Andrea e Inés, de 5º, deixaron abraiados aos pequenos de 3 anos co seu conto.

 Candela e Noa, de 5º, contaron A caixa de cartón en 5 anos.

 

 Sabela e Reda, de 5º, tiveron intrigadísimos aos nenos de 4 anos co seu conto.

Andrea e Inés, de 5º, contaron A vella na botella aos nenos e nenas de 4 anos.

Hugo Eiroa, de 5º, contoulles aos máis pequenos do cole Os Bolechas queren saber que é o solo.

 Mencía, Nayara e Noela, de 3º, contaron As porcas porquiñas aos cativos e cativas de 4 anos.

Claudia, Irene e Julieta, de 5º, fixeron partícipes ao alumnado de 2º do conto Eu son unha árbore.

Moitas grazas a todas e todos por participar!