DÍA DA PAZ 2022

O EACE propuxo que o venres 28 celebráramos este día vestidos de branco, cantando e bailando todos xuntos no patio do cole. Así foi 👇

Cantemos pola paz con Mamá Cabra e o seu BAILE DA PAZ .

Esta é a danza
Da esperanza
Danza capaz
De sementar paz.

Ombro con ombro
Pódese todo.
Ombro con ombro
Pódese todo.

Da un taconazo
Levanta un brazo
E con donaire
Dalle ao cú aire.

Colle a orella
Da túa parella
Faille coxegas
Ponlle pequena

Esta é a danza
Da esperanza
Danza capaz
De sementar paz.

Agora da un brinco
Ou mellor cinco
E tres palmadas
Con gargalladas.

Esta é a danza
Da esperanza
Danza capaz
De sementar paz.

Logo ao compás

Anda cara atrás.
E cara diante
Coma un xigante.

Pinta un momento
Paz no vento.
Grita un segundo
Paz no mundo.

CONCURSO POSTAIS NADAL 2021

Xa temos con nós a postal gañadora para representar o calendario do noso cole para o ano 2022: NINA HARBATKOU de 6º B. NORABOA!!

Moitas grazas a todos e todas pola vosa participación!

RECEITAS DO OUTONO

PREME NAS IMAXES PARA ACCEDER AO 

LIBRO DAS RECEITAS DO OUTONO OU AOS VÍDEOS.

Moitas grazas a todos e todas 

pola vosa participación!

SAMAÍN 2021

Chegou o SAMAÍN e con el o medo e o respecto ás crenzas máis arraigadas da nosa terra.

Nos niveis máis altos de primaria investigaron sobre os personaxes típicos desta celebración: Sacauntos, Lavandeiras, Meigas, Urco, Lobishome, Gatipedro, Santa Compaña.

Ademais deste magnífico traballo, ao alumnado fixémoslle un encargo moi especial: deberían coordinarse as aulas de cada nivel para decorar unha cabaza. Por certo, cabazas cultivadas no noso invernadoiro! 

E así foi... e o fixeron requetebén!!

En sexto decidiron decorar con moitas feridas e sangue.

En quinto deccoraron cun toque gracioso pero ao mesmo tempo tenebroso.

En infantil, as mestras fixeron unha demostración de como se baleira unha cabaza e se recortan as partes da cara para poñerlle unha vela para alumenar o seu interior.

 

Un toque mexicano para a cabaza de cuarto de primaria.

A aportada por terceiro era monstruosa con eses ollos... eses morcegos... eses parafusos... Pfff!

A de segundo metía medo con tanto bicho e cara de terror.

A de primeiro era tenebrosamente adorable.

Así posaron algúns cursos coas obras de arte.

 

Moitas grazas a todos e todas pola vosa participación. 

Feliz e tétrico Samaín!

Revista PUNTO E COMA 2020-2021

 🙋 EXTRA! EXTRA! EXTRA!

Xa temos con nós a publicación da revista escolar anual 

PUNTO E COMA deste curso 2020-2021!

Aquí podedes ver un resumo do moito que traballamos no cole durante estes meses, sen esquecer as distintas conmemoracións e os gañadores e gañadoras do Certame Literario.

 

Preme na imaxe para ver a revista. 

Lembra poñer en modo pantalla completa para unha mellor visualización dos artigos.

Este equipo agradece a todos os membros da Comunidade Educativa -familias, alumnado, profesorado, conserxes, coidadora…- a súa colaboración, tanto na elaboración desta revista como en outras actividades propostas por este equipo ao longo do curso.

🌞 FELIZ VERÁN E COIDÁDEVOS MOITO! 😷

Aniversario PUNTO E COMA

 ESTAMOS DE ANIVESARIO!

No ano 1981 comezaba a andadura do noso centro, nacía como Colexio Nacional de Vilaboa. Co paso do tempo recibiu o nome de CEIP Sofía Casanova. Cumprimos polo tanto os primeiros 40 anos da nosa andadura.

Por aquí levan pasando varias xeracións de rapaces e rapazas, mestres e mestras, persoal non docente e familias; a todos a nosa lembranza e agradecemento.

O actual Sofía Casanova é o resultado do traballo conxunto de todos eles. Testemuña disto é a nosa revista escolar Punto e Coma que vía a luz no curso 1981-1982.

Nacía coma unha publicación literaria da antiga Segunda Etapa de Educación Primaria. Faltáballe a cor, o seu tamaño era o dunha cuartilla, escrita cunha máquina de escribir da época (posiblemente unha Olivetti) e impresa cunha vella multicopista con moito esforzo. Un erro era moi difícil de corrixir por non dicir imposible.

Ao longo destes corenta anos medrou de tamaño e afloráronlle as cores. Hoxe acolle os traballos de todo o alumando do noso centro tendo dúas versións a impresa e a dixital.

Preme na ilustración para gozar coa súa visualización

Os nosos parabéns!!

GAÑADORES E GAÑADORAS DO CERTAME LITERARIO 2021

É un pracer para nós, presentarvos aos gañadores e gañadoras do Certame Literario 2021 nas distintas categorías de debuxo, narrativa, tira cómica e poesía.

 NORABOA A TOD@S!! 😍