FELIZ DÍA DO LIBRO 2022

Partillamos orgullosas esta montaxe tan fermosa e concienciadora do equipo da biblioteca para desexarvos un feliz día do libro 2022 📚

 http://bufolector.blogspot.com/2022/04/dia-do-libro.html?m=1

UN ENTROIDO SAUDABLE 2022

QUE IMPORTANTE É LEVAR UNHA VIDA SAUDABLE, VERDADE?

DENDE UNHA ALIMENTACIÓN EQUILIBRADA PASANDO POR UNHA BOA DOSE DE EXERCICIO FÍSICO E DESCANSO ATA A EXPRESIÓN DAS NOSAS EMOCIÓNS.

SEN ESQUECER, CLARO ESTÁ, O COIDADO DO MEDIO, ASÍ COMO O ACCESO ÁS NOVAS TECNOLOXÍAS. 

POIS BEN, O NOSO ENTROIDO DESTE 2022 REFLECTIU TODO ISO E MOITA, MOITA, MOITA ALEGRÍA POR PODER GOZAR TODOS XUNTOS DAS NOSAS TRADICIÓNS.

SE QUEREDES LEMBRAR ESTE MOMENTO... AQUÍ VOS TRAEMOS A NOVA 

REVISTA DIXITAL DO ENTROIDO 2022!!!

Preme nesta imaxe e logo amplía a revista para o seu mellor visionado

MOITAS GRAZAS A TODA A COMUNIDADE EDUCATIVA POLA SÚA IMPLICACIÓN

DÍA DE ROSALÍA 2022

 Neste 2022 plantamos PENSAMENTOS pola memoria de 

ROSALÍA DE CASTRO.

Preme na imaxe para ver o vídeo

Na seguinte presentación veredes o moito que traballaron os nenos e nenas sobre a grande escritora galega.

Preme o cursor para pasar de diapositiva

MOITAS GRAZAS AOS NENOS E AS NENAS E AOS SEUS PROFES 

POLA SÚA PARTICIPACIÓN 

DÍA DA PAZ 2022

O EACE propuxo que o venres 28 celebráramos este día vestidos de branco, cantando e bailando todos xuntos no patio do cole. Así foi 👇

Cantemos pola paz con Mamá Cabra e o seu BAILE DA PAZ .

Esta é a danza
Da esperanza
Danza capaz
De sementar paz.

Ombro con ombro
Pódese todo.
Ombro con ombro
Pódese todo.

Da un taconazo
Levanta un brazo
E con donaire
Dalle ao cú aire.

Colle a orella
Da túa parella
Faille coxegas
Ponlle pequena

Esta é a danza
Da esperanza
Danza capaz
De sementar paz.

Agora da un brinco
Ou mellor cinco
E tres palmadas
Con gargalladas.

Esta é a danza
Da esperanza
Danza capaz
De sementar paz.

Logo ao compás

Anda cara atrás.
E cara diante
Coma un xigante.

Pinta un momento
Paz no vento.
Grita un segundo
Paz no mundo.

CONCURSO POSTAIS NADAL 2021

Xa temos con nós a postal gañadora para representar o calendario do noso cole para o ano 2022: NINA HARBATKOU de 6º B. NORABOA!!

Moitas grazas a todos e todas pola vosa participación!

RECEITAS DO OUTONO

PREME NAS IMAXES PARA ACCEDER AO 

LIBRO DAS RECEITAS DO OUTONO OU AOS VÍDEOS.

Moitas grazas a todos e todas 

pola vosa participación!

SAMAÍN 2021

Chegou o SAMAÍN e con el o medo e o respecto ás crenzas máis arraigadas da nosa terra.

Nos niveis máis altos de primaria investigaron sobre os personaxes típicos desta celebración: Sacauntos, Lavandeiras, Meigas, Urco, Lobishome, Gatipedro, Santa Compaña.

Ademais deste magnífico traballo, ao alumnado fixémoslle un encargo moi especial: deberían coordinarse as aulas de cada nivel para decorar unha cabaza. Por certo, cabazas cultivadas no noso invernadoiro! 

E así foi... e o fixeron requetebén!!

En sexto decidiron decorar con moitas feridas e sangue.

En quinto deccoraron cun toque gracioso pero ao mesmo tempo tenebroso.

En infantil, as mestras fixeron unha demostración de como se baleira unha cabaza e se recortan as partes da cara para poñerlle unha vela para alumenar o seu interior.

 

Un toque mexicano para a cabaza de cuarto de primaria.

A aportada por terceiro era monstruosa con eses ollos... eses morcegos... eses parafusos... Pfff!

A de segundo metía medo con tanto bicho e cara de terror.

A de primeiro era tenebrosamente adorable.

Así posaron algúns cursos coas obras de arte.

 

Moitas grazas a todos e todas pola vosa participación. 

Feliz e tétrico Samaín!